Ei reise i historia

OpplevOdda inviterer til turar i Tyssedalsfjella sesongen 2009!

TyssoViaFerrata er ei ferd i det unike menneskeskapte verdikretsløpet vatnet har i Tyssedal. På ferda gjennom TyssoViaFerrata får ein oppleve attraksjonane som gjorde Odda som nord Europas mest besøkte turistmål i 1904. Ein får ei kjenne på kroppen den kvardagen som møtte rallarane som bygde ut vasskraftanlegga. Og ein får er ei innføring i norsk historie, innanfor ei fantastisk naturramme. Med klatresele, hjelm og sikkerhetsslynger vil me invitere til minnerike opplevingar i Tyssedalsfjella.

TyssoViaFerrata er ei ferd der ein fylgjer vatnet frå det samle seg i fjellvatn på Hardangervidda. Til det endar i Hardangerfjorden. Få andre stader i verda er vatnet er hovedgrunnlaget for så mange næringar som i Tyssedal. I fjellvatn, elvar og fossar er vatnet ei matkjelde og ein turistattraksjon. Vatnet vert så samla i røyr, og nytta til produksjon elektrisitet i 3 kraftstasjonar (Tysso2, Mågeli, og Oksla). Elektrisiteten vert nytta i produksjonen på fabrikkane TTI Tyssedal, og Boliden Odda. Frå kraftstasjonen Oksla, vert vatnet ført i røyr over til fabrikken TTI, og nytta som kjølemedium i smelteverksproduksjonen. Det oppvarma vatnet vert så ført i ei ny røyrsløyfe tilbake til NVIM, og nytta til oppvarming av museumsbygningen. I fjellet ved NVIM er det sprengd ut ein fjellhall. Her utføre Hardanger Fjellfisk oppdrett av fjellaure. Det varme vatnet frå TTI vert og nytta her, og er ideelt temperert med tanke på rask vekst på auren. Som siste ledd vert vatnet nytta som drikkekjelde. På Hovland, ca 10 km nord for Tyssedal er vassfabrikken Isklar etablert. Drikkevatnet frå Isklar vart nyleg kåra til verdas beste flaskevatn.

TyssoViaFerrata er opplevingar med mykje luft under fjellskoa. Ei oppleving man absolutt ikkje bør gå glipp av!

Sjå aktivitetar Tysso Via Ferrata »

Breklatring i nasjonalparken Folgefonna har vorte eit omgrep; kanskje nett av di du kan gripe augneblinken både sumar og vinter. Halvannan times køyring frå Odda finn du Folgefonn Sommarski Senter. Her kan du spenna på deg alpinutstyret i bar overkropp, medan sol og lun sumarvind pleier huda.

Buardalen er ein sidedal til Odda dalen. Den er ein vakker, vill og frodig dal mellom stupbratte fjellsider. Inst i dalen ligg den flotte Buarbreen som er ein arm av Folgefonna. Buarbreen har eit unikt brefall, med tre brearmar som strekk seg ned i same dal.

Er ein godt utstyrt (godt skotøy) kan ein fylgje ein merka sti frå parkeringsplassen og opp til brekanten. Ei fantastisk oppleving.

Me arrangerer og på alt frå korte dagsturar med klatring i breen til lengre turar med overnatting.

Sjå aktivitetar Folgefonna / Buerbreen »

Under snøsmeltinga om våren vakne naturen til liv. Kontrastar med grøne lier, blømande frukthagar og snødekte fjell. Ein kan då nyta Odda dalen på sitt mektigaste. I denne særprega dalen ligg fossane som perler på ei snor innanfor ein avstand på 10 km.

Eit fosselandskap, skapt av breen; eit "jutulhogg" mellom Hardangervidda og Folgefonna. Til fots, med kano eller på sykkel inviterer OpplevOdda til fossasafari opp langs Oddadalen. På vegen passerer ein Strandsfoss, Tjødnadalsfossen, Vidfoss, Hildalsfossen, Espelandsfossen, og til slutt Låtefoss.

Oddadalen er omkransa av flotte turruter til bl.a. Eidesnuten/Rossnos der ein kan nyte utsikten mot Oddadalen i sør, Folgefonna i vest og Hardangerfjorden i nord.

Sjå aktivitetar Oddadalen / Fossenes dal »

I Noregs største nasjonalpark, Hardangervidda, kan fotturistar gå frå hytte til hytte og søkje påfyll i ei heil mengd varierte turløyper. Her finns mange hytter, både betente og ubetente, og gode løypenett særskilt merka med Turistforeininga sin "T". Å gå frå hytte til hytte på Hardangervidda, er noko som er populært både vinter- og sommartid. Å gå frå hytte til hytte på Hardangervidda, er noko som er populært både vinter- og sommartid.

Fjella våre byr på ei reise fylt med dramatikk i eine augneblinken og idyll i den neste. Med dei spesielle turkarta, kan du velje å nytte anten bilen eller føtene; eller ein kombinasjon.

Vidda, med blant anna Europas største villreinstamme, er i seg sjølv ei ferie full av mektige opplevingar.

Kontakt oss for påmelding til turar.

Opplev vintereldoradoet Røldal, Nordens svar på Chamonix. Med Røldal som destinasjon kan du og dine boltre dykk i VestlandsNoreg sin aller vakraste, råaste natur. Anten du elskar offpist-pudder, crispy dagar i velpreparerte bakkar eller langtur på vidda, er Røldal eit godt val.

Seljestad er reine draumen for langrennsturar både for løparar med pallen i sikte - og for barnefamiliar. På Seljestad finner du Korlevoll Skistadion med FIS-standard på langrennsløypene. Hent fram skia, husk SWIX blå og termos. Resten sørgjer fjella og viddane utover Seljestad for.

Sjå aktivitetar Røldal / Seljestad »

Odda har eit rikhaldig handel- og kulturtilbod. Blant anna eit vakkert vasskraftmuseum, kunstgalleri, overnatting i spesielle omgivnadar, kunsthotell, gjestehus med opplevingar, campinghytter, mange spanande aktivitetstilbod, keramikkverkstad, helsetilbod og tradisjonsmat servert i vårt lokale soria-moria!

Odda har ei triveleg gågate med mange gode butikkar som alltid har godbitar på tilbod. Hyggelig betjening i Odda hjelper deg anten du treng sportsutstyr til turen eller ny kjole.

I løpet av året arrangerast mange ulike festivalar og konsertar, og dette er med på å skapa eit variert og livlig lokalsamfunn. Meir om Odda på http://www.visitodda.com